Við göngum á ólíkan hátt – en öll í sömu átt !
Maður að vera stoltur af því að tilheyra okkar góða samfélagi.
Þó stundum sé það áskorun að þurfa takast á við fordóma samtímans og kerfi sem horfir frekar í peninginn en almenn á mannréttindi fólks.
Ég er stjórnarmaður í Átaki, félag fólks með þroskahömlun og ég er stoltur af því að vera ég.
Það að fá að taka þátt í því starfi sem fram fer í Átaki hefur gert mig meira jafnfætis öðrum einstaklingum í samfélaginu.
Þar hef ég vettvang til að hafa áhrif á samfélagið þannig að ég sem fatlaður einstaklingur sé ekki beittur minni rétti en ófötluðu samborgarar mínir, sem samt er staðreynd í okkar samfélagi.
Við í stjórn Átaks ákváðum í vor að fjölmenna í göngu þann 3. Sempember sem við ákváðum að kalla Stoltgöngu.
Af hverju stoltganga?
Við sem erum með þroskahömlun viljum sýna öllum að við erum Stór hópur, trúum á okkur sjálf og með viðeigandi aðstoð getum við tekið fullan þátt í samfélaginu.
Við eigum rétt á því að fá þá aðstoð og munum stolt óska eftir henni. Þroskahömlun okkar er aðeins hluti af lífi okkar og á ekki að koma í veg fyrir að við getum lifað góðu og sjálfstæðu lífi.
Margt hefur breyst í lífi okkur sem gerir okkur glöð. Við viljum sjálf taka meiri þátt í þeim breytingum sem fram undan eru.
Það gerum við með því að vera sýnileg og taka þátt í samfélaginu með öðrum.
Ekkert um okkur án okkar!
Því vil ég hvetja alt folk með þroskahömlun, aðra fatlaða sem og ófatlaða að taka þátt í gleðinni með okkur og jafnframt vekja athygli á því að við ætlum stolt að biðja um meiri mannréttindi í framtíðinni.
Safnast verður saman á Austurvelli klukkan 11.30 og endað fyrir utan Norrænahúsið á Fundi fólksins. Þar munum við vera með tjald þar sem allir eru velkomnir til að kynnast okkar sýn á samfélagið.
Við munum því ganga á ólíkan hátt þann 3. september en ÖLL í sömu átt!
Snæbjörn Áki Friðriksson, varaformaður Átaks og formaður undir búningsnemdar stoltgöngunar